2008. urtean
Montrealen bi hilabetez egon nintzen ikasketak egiten eta egunak pasa ahala
konturatu nintzen eguneroko bizitza guztiak, La ville souterraine izenarekin
ezagutzen den kale sistema estalian ematen zela.
Kale sistema hau,
guztiz soterratua dago eta metroaren geltoki ezberdinekin lotzen dira. Kale
hauen helburua neguan tenperatura hotzen ondorioz hiriaren kolapsoa deuseztatzea
da.
Sare honek,
financial center eko eraikin eta enpresa nagusiak konektatzen ditu eta honek
Montrealko bihotz ekonomikoa funtzionatzen jarraitzea ahalbidetzen du. Ikerketa
batzuk egin ondoren, 1962 urtean eraiki zela ikusi dut eta bere hasierako
helburua merkatu globalizatuen munduan neguaren ondorioz hiriak lan egiteko
oztoporik ez izatea zen. Urtero elurraren eta tenperatura hotzen ondorioz 30
egun baino gehiago galtzen zirelako.
Gaur egun kaleek
gune komertzial eta kultur gune ezberdinak lotzen ditu eta honek negua ez
denean oso erabilia izatea ekartzen du. Udako egun gogorretan bide sare honek
bere garrantzia irabazten du eta bertakoei tenperatura altuak jasateko laguntza
handia eskaintzen die.
Guztira espazio
sare estaliak 30 kilometro baino gehiago ditu eta 4 millioi metro karratu
inguru. Honen funtzionamendua erosoa eta aktiboa izateko sarrera ugari behar
dira eta horregatik, metro geltoki ezberdinak alde batera utzita, kanpoaldera
ematen duten 200 sarrera inguru dituzte.
Ondorioz esan
genezake, Indiako gogoetetan ikusten genuen bezala, espazio publikoak gizarte
baten beharrei erantzuten diela eta Montrealen kasuan, eskaera hauek klima eta
kanpoaldearekiko eragina murriztuz betetzen dira, beti ere azalean dauden kale
sareak ahaztu gabe.
Art Souterrain 2010 - Stop-motion from Serge Maheu on Vimeo.
<Survivre à l'hiver Canadien from Vivre Au Canada.tv on Vimeo.
