Jan Gehl arkitektoari ezker espazio publikoei buruzko jarrera berri batez ohartzen gara, garai baten funtzionatzen zuten kale kaotikoak birmoldaketa baten beharra dute. Gizartea aldatu egin da eta hirigintza eta gure ikuspegia berdin egin beharko du. Jan Gehl-ek espazio publikoen erabilerari buruzko hausnarketa honetan, interakzioari buruz eta kale berriei buruz ikasten dugu.
Arkitektura modernoak eraikitako espazio erraldoiak ez dute aurkitu hau gozatuko duen jenderik eta honen ondorioz, planifikazio berri bat agertzen da. Dagoeneko eraikita dauden espazioen birmoldaketa. Kopenhagen en peatonalizazioarekin eta bide gorriekin hasi zen, horrela pertsonek kotxearen dependentzia galtzen zuten eta kaleak aktiboagoak bihurtzen ziren. Bertako adibidearekin jarraituz arkitekto honi eta bere taldeari esker, bertako jendearen jarreraren laguntzaz, biztanleriaren % 37 ak bizikleta erabiltzen du. Honen erantzulea bertan planteatu izan den plangintza sistema da zeinen helburua, txirrindularien eta oinezkoen mugikortasuna bermatzen duten azpiegiturak sortzea. Gaur egun, Kopenhagen Europako aire kalitate onenetarikoa duen hiria da.
Jan Gehl en ekarpen esanguratsuena pentsamoldearen aldaketa izan da, hiri ezberdinetan planteaturiko esku hartze ezberdinekin, aldaketa globalagoa lortu du. Badira beste hainbat pertsona horrelako jarrerak bultzatu dituztela, hiri berri hauen ideia egia bihurtzeko.
Aldaketa global honen hurrengo pausoa hain garatuak ez dauden herrialdeetara jarrera hauek eramatea izango litzateke, herrialde hauetan kalearen bizitasuna ikaragarria da eta erabiltzaileen interakzioaren erakusle dira.
Bukatzeko, hirigintzaren erronka aipatzen du, nola jotzen dugu hiri barreiatura, distantziak handituz. Honela erabiltzaileen eragina desagertzen da eta hiriaren eta pertsonaren artean banaketa bat ematen da.
